ចំណេះដឹង និងវប្បធម៌ទូទៅ
ការបង្កើនគំនិតច្នៃប្រឌិត!!
ការពង្រឹងជំនាញគំនិតច្នៃប្រឌិតនិងវិភាគរបស់អ្នកអាចនិងគួរតែជាដំណើរមួយដ៏វែងឆ្ងាយ។ខាងក្រោមនេះគឺជាសេចក្តីណែនាំសម្រាប់ការចាប់ផ្តើមដ៏លឿនរហ័ស។
១.ការសរសេរកំណត់ប្រចាំថ្ងៃ
ជារៀងរាល់ព្រឹកបន្ទាប់ពីអ្នកក្រោកពីដំណេកភ្លាមអ្នកត្រូវសរសេរអំពីអ្វីក៏ដោយឲ្យបានយ៉ាងតិច៣ទំព័រ។សរសេរពីអ្វីដែលអ្នកបានធ្វើកន្លងមកគំនិតក្តីស្រមៃបញ្ហានិងគំនិតពីនេះពីនោះ។សរសេរអំពីអ្វីដែលបានឃើញឬស្តាប់ឮនិងអ្វីដែលអ្នកបានគិតឃើញ។បញ្ចេញប្រតិកម្មជញ្ជឹងគិតឆ្លុះបញ្ចាំងនិងវិភាគ។
២.សិក្សាឬរកមើលអ្វីដែលថ្មីឲ្យបានរៀងរាល់ថ្ងៃ
ខួរក្បាលត្រូវការកម្លាំងជំរុញ។ដោយបញ្ចូលនូវអ្វីដែលថ្មីទៅក្នុងខួររបស់អ្នករៀងរាល់ថ្ងៃអ្នកមានការចងចាំល្អនិងអាចទទួលយកនូវព័ត៌មានថ្មីៗ។ជួនកាលអ្នកទទួលបាននូវគំនិតឬទស្សនៈវិស័យថ្មីៗទៀតផង។
តើអ្នកទទួលព័ត៌មានថ្មីដោយរបៀបណា?ធ្វើអ្វីដែលថ្មីរៀងរាល់ថ្ងៃ។ស្តាប់កម្មវិធីដែលផ្សាយចេញពីស្ដានីយ៍វិទ្យុនានាអានឬខ្ចីទស្សនាវដ្តីប្លែកៗដើរលំហែរនៅតាមកន្លែងនានាដែលអ្នកពុំអាចទៅញឹកញាប់។បើកភ្នែកមើលបើកត្រចៀកស្តាប់ភ្លក្សរសជាតិស្ទាបនិងហិតក្លិនវត្ថុនានា។ដាក់កូនសៀវភៅឬកូនម៉ាញ៉េតាមខ្លួនដើម្បីកត់ត្រាឬថតយកនូវគំនិតរបស់អ្នក។
៣.លៃពេលវេលាសម្រប់លំហែរ
គេងស្តាប់តន្រ្តី។អង្គុយហាលថ្ងៃដោយមិនធ្វើអ្វីសោះដើរលំហែរជិះទោចក្រយានយន្តឬទៅហែលទឹកកំសាន្ត។ជាការសំខាន់អ្នកត្រូវរកពេលវេលាដើម្បីបន្ធូរអារម្មណ៍និងទុកឲ្យខួរក្បាលរបស់អ្នកធ្វើការ។ការទទួលយកគំនិតបន្តិចម្តងៗដូចភ្លៀងរលឹមឬនៅពេលដែលអ្នកស្ថិតនៅក្នុងរថយន្តមានគំនិតសាមញ្ញៗប៉ុន្តែវាពិតជាមានមែន។
៤.គ្រប់គ្រងលើខ្លួនឯង
កំណត់នូវបញ្ហាប្រឈមថ្មីមួយរៀងរាល់សបា្តហ៍។ដោះស្រាយបញ្ហាថ្មីមួយរៀងរាល់សបា្តហ៍សិក្សាស្រាវជ្រាវពីអ្វីដែលថ្មីក្នុងគោលបំណងដោះស្រាយបញ្ហានេះឬបង្កើននូវគំនិតថ្មីៗ។។។។។។។
Lychhay's Blog 